Chargement Évènements
Cet évènement est passé

Eng musikalesch-satiresch Revue iwwert 1960er a 1970er Joren zu Lëtzebuerg aus dem Mond vum Pir Kremer!

Um Stamminee ass en Hommage un de Pir Kremer awer keng Biographie vum Auteur. Mat senge Stamminee- a Revue Texter, Lidder a Gedichter gëtt e Stéck Lëtzebuerger populär Ënnerhalungsgeschicht ausgegruewen, analyséiert an aus dem Bléck vun haut verständlech gemaach. Mir zeechnen e Gesellschaftsportrait duerch de Mond vum Satiriker!

FC Schinnegebess oder Ran an de Goal, Dem Tobby Säin Hobby an den Hunn Op Der Bunn, all dës beléifte Lidder verziele vun engem Liewensgefill, vun där neier Fräizäit an deene ville Veräiner, déi deemols entstane sinn. Bei äis doheem an der Familjen, Ech Sin Up-To-Date oder Ech brauch kee Mann besangen dat neit Fraebild a verspotten deem Léiwe Männchen seng Naupen. Am Lidd Et Ass Eriwer verzielt de Pir Kremer, wéi 1967 de Militärdéngst ofgeschaf gouf a mat der Ballade De Massaker op der neier Bréck hëlt hien d’Verkéiers-Situatioun beim Pole Nord op d’Schëpp. De Spektakel respektéiert dem Auteur seng Texter a Gedichter a sicht mat gesonder Distanz de Sound vun de 60er a 70er Joren artistesch a musikalesch anzefänken.

Detailer zu de Virstellungen

Sa 21.09.19 | 20:00
Virum Spektakel Enn vum Joer, bréngt d’Equipe vum Mierscher
Kulturhaus de Pir Kremer dohinner, wou en higehéiert: op Käerch
op déi nei Schlassbühn. En Owend rondërem de Pir Kremer, säi
Wierk a seng Zäit. Weider Informatiounen op www.ksf.lu.

So 08.12.19 | 11:00 – Fräien Entrée
Aféierungsmatinée
Hei begéine sech Zuschauer a Kënschtler, virum Vernissage vun
der Ausstellung a virun der Première vun der Revue. Mir invitiéieren
de Publikum op eng éischt Visite Guidée, kucken hannert d’Kulissen,
an d’Garderoben a lauschteren enger musikalescher Prouf no.

Fr 14.02.20 | 22:30 – Fräien Entrée
No der Virstellung ass op Vältesdag am Bar vum Mierscher
Kulturhaus Lëtzebuerger Gesang an Danz ronderëm d’Léift!

Fr 20.03.20 | 22:30 – Fräien Entrée
No der leschter Virstellung heesche mer d’Fréijoer wëllkomm am
Bar vum Mierscher Kulturhaus mat Lëtzebuerger Gesang an Danz!


Regie
Claude Mangen
Musikalesch Leedung an Arrangementer
Georges Urwald
Saxophon
Jessica Quintus TrompettGilles Burgund Kontrabass Tom Wiot
Perkussioun
Max Sauber Piano Georges Urwald Dramaturgie Sarah Rock
Et sangen a spillen
Jeff Elcheroth, Véronique Kinnen, Déborah Marinkovic, Rafael Parrinha
Bühn a Konzept vun der
Ausstellung Jeanne Kratochwil
Kostümer
Ulli Kremer